content=text/html; charset=utf-8 http-equiv=Content-Type /> content=Word.Document name=ProgId /> content=Microsoft Word 12 name=Generator /> content=Microsoft Word 12 name=Originator /> href=file:///C:\DOCUME~1\macbook\LOCALS~1\Temp\msohtmlclip11\clip_filelist.xml rel=File-List /> href=file:///C:\DOCUME~1\macbook\LOCALS~1\Temp\msohtmlclip11\clip_themedata.thmx rel=themeData /> href=file:///C:\DOCUME~1\macbook\LOCALS~1\Temp\msohtmlclip11\clip_colorschememapping.xml rel=colorSchemeMapping />>

type=text/css>
>
/* Style Definitions */
table.MsoNormalTable
{mso-style-name:Table Normal;
mso-tstyle-rowband-size:0;
mso-tstyle-colband-size:0;
mso-style-noshow:yes;
mso-style-priority:99;
mso-style-qformat:yes;
mso-style-parent:”;
mso-padding-alt:0in 5.4pt 0in 5.4pt;
mso-para-margin:0in;
mso-para-margin-bottom:.0001pt;
mso-pagination:widow-orphan;
font-size:11.0pt;
font-family:Calibri,sans-serif;
mso-ascii-font-family:Calibri;
mso-ascii-theme-font:minor-latin;
mso-fareast-font-family:Times New Roman;
mso-fareast-theme-font:minor-fareast;
mso-hansi-font-family:Calibri;
mso-hansi-theme-font:minor-latin;
mso-bidi-font-family:Arial;
mso-bidi-theme-font:minor-bidi;}

ده أول حاجة أكتبها بعد نزول الفيلم (زي النهاردة).. و كاتبه لسبب معين.. أكثر حاجة لفتت إنتباهي بعد نزول الفيلم هي كمية اللقائات الصحفية الرهيب اللي إضطرينا كلنا نعمله كدعاية للفيلم و لتواصل أحسن مع أي حد حاببنا أو حابب الفيلم.. و معظم اللقائات كانت بتضم نفس الأسئلة بالظبط.. كأنهم كلهم متفقين على الأسئلة سوا.. بس بصراحة كان في كذا صحفي فاجئني بأسئلة ذكية جديدة و ليها دعوة بمضمون الفيلم.. و كمان ممكن تكون مفيدة للناس.

المهم جاتلي فكرة.. ليه معملش هنا لقاء معايا.. يضم كل الأسئلة اللي إتسألتلي.. و معاها الإجابة النموذجية.. و كمان أسئلة كان نفسي تتسئلي.. و كمان أوجه لنفسي كل الإنتقدات السلبية اللي إتوجهتلي و أجاوب عليها..

البوست هيبقى طويل.. ممكن كمان يبقى ممل.. موجه لمن يهمه الأمر.. قوي..

ع: عرفنا بعمرو سلامة..

ع: مخرج بالمقاوحة.. مادرسهاش في جامعة أو كلية أو معهد أو كورس كمله لآخره.. بدأ كطفل محب للرسم و الكتابة.. درس خدع و مونتاج بالكتب و الـ (توتوريالز) و بعض الكورسات السكة.. درس سيناريو من الكتب و الفرجة و بعض النصائح من محمد حفظي.. إتفرج على عدد لا نهائي من الأفلام.. عمل أربعة أفلام قصيرة بكاميرات ديجيتال بميزانيات محدودة أو معدومة.. و عمل مشاريع صغيرة قوي مستقلة.. أغاني مش مصروف عليها لكايروكي و وسط البلد.. كام إعلان لحفلات (إٍس أو إس).. فيلم تسجيلي عن الإيدز في مصر.. مخرج اليوتيوب المصري الأول.. كل الناس قالولوا الإخراج سكته كلها شوك و مطبات و ألغام مخفية.. خدها قفش و دخل بدماغه..

ع: إحكيلنا عن الصعوبات اللي واجهتك خلال تحضيرك لزي النهاردة

ع: أولا جهلي بكتابة السيناريو .. حفظي ساعدني في ده.. رشحلي كتب و إداني مليون نصيحة.. و فضل يعدل معايا في السيناريو.

ثانيا إن كل الناس كانت خايفة تشتغل مع مخرج مشتغلش مساعد قبل كده و مادرسش في معهد و أول مرة يخرج و لكن حفظي فضل ورا الممثلين و الفنيين يقنعهم إني كويس و يفرجهم على حاجاتي القديمة.

ثالثا إيجاد إنتاج لإن كل المنتجين كان عاجبهم السيناريو بس مش موافقين عليا كمخرج.. و فضلنا سنة لحد ما لقينا منتج إتحمس ليا كمخرج زي ما إتحمس للسيناريو.. بس فقد حماسه و ساب المشروع بسبب النقابة.. و لما حليت مشكلة النقابة حفظي بدأ ينتج فأنتج الفيلم.

رابعا النقابة.. مش عايزة تديني تصريح فدوخوني مع اللمونة لمدة سنتين و نص و في الآخر دفعوني مية و خمسين ألف جنيه كانت كل أجري زيادة عليها فلوس كثير إستلفتها من أهلي.

خامسا قلة خبرتي في مواقع التصوير بس كل طاقم العمل ساعدني و كان نفسهم يترجموا كل اللي في دماغي لواقع لإن كان عاجبهم قوي اللي كنت بحكيه.

ع: جاتلك منين فكرة الفيلم

ع: ليا واحد صاحبي مرة فتح مذكرات صاحبته لقاها كاتبة فيها كل التفاصيل اللي حصلت بينهم بالتفصيل بتواريخها.. أول مرة شافته.. أول مرة حست إنها معجبة بيه.. أول مرة إتكلموا.. أول مرة حست إن في حاجة من ناحيته.. عجبتني التفصيلة.. فكان نفسي أكتب عن بنت بتحب تكتب في أجندتها.. و مرة كنت بسمع أغنية عن واحدة نزلت من القطر و راحت بيت حبيبها القديم و بصيتله و عارفه إنه مابقاش ساكن هناك ثاني.. الأغنية إسمها

Missing – everything but the girl

و جاتلي فكرة التكرار بسبب إني دخلت في كذا علاقة و لاحظت إن فيه مليون تشابه بين كل العلاقات.. إزاي بيبدأوا إزاي المشاكل بتحصل إزاي بينتهوا.. فكل الأفكار ديه إتجمعت في فكرة زي النهاردة.. إيه اللي هيحصل لو بنت كتبت تفاصيل حبها في الأجندة.. و حبيبها مات و ركبت القطر و عيطت عليه.. و لقت الحكاية بتتعاد السنة ديه زي الأجندة.

ع: في ناس بتقول إنك سارق الفكرة من فيلم أجنبي.

ع: بالعكس.. أبسولوتلي.. الناس بس بقى عندها إحباط من كثر السرقة اللي حصلت الفترة اللي فاتت للأفلام الأجنبي.. و بيحاولوا على طول تشبيه أي فيلم بالتاني علشان يحسوا إنهم برم و بيجبوها و هي طايرة.. و مش فاهمين الفرق بين السرقة و التأثر.

مافيش ولا فكرة فيلم بتدور إن واحدة حبيبها الأول مات و بيحصلها مع الثاني شبه اللي بيحصلها مع الأولاني و ليها اخ مدمن بيهددها بقتل حبيبها.. خالص.. و لو فيه قولولي.. أكيد هشوفه و هيعجبني.. ممكن يبقى في أفكار شبها من بعيد.. زي واحد حلم بيوم لقاه بيتحقق.. واحد يومه قاعد يتعاد.. واحدة مزنوقة في ثلث ساعة قاعدة تتعاد بطرق مختلفة.. و لو قلنا إني كده سرقتهم يبقى كل الأفلام مسروقة بقة..

تعريف الإبداع هو تكوين توليفات جديدة من عناصر قديمة.. مافيش إبداع صافي إلا من الله سبحانه و تعالى.. كل الأفكار هي عبارة لمزج كذا فكرة قديمة ببعض.. مهما كان المزج مبتكر عناصره موجودة و قديمة.. و ديه نظرية في الإبداع يطول شرحها و إثباتها.

سالفادور دالي قال هؤلاء الذين لا يقلدون لا يبدعون

و على قد ما الموضوع يدايق إن فيه ناس بتقول كده لإني تعبت في السيناريو و الفكرة قوي.. لكذا سنة.. بس أنا مقدر حاجة الناس للتنظير و الفكاكة.

غير كده أنا أكيد متأثر بالأفلام اللي بحبها و ساعات أحب أهدي لكل الأفلام اللي بحبها حاجات في فيلمي بيبقى إسمها (تريبيوت) و ده بيحصل بإني بحط منهم حاجات قاصد في فيلمي و دللت على ده بمشهد في الفيلم في شركة الإنتاج .. أول مشهد لأحمد الفيشاوي مع رانيا شاهين.. الحيطان مليانه ببوسترات الأفلام اللي بحبها و متأثر بيها.

ع: اللمثلين تعبوك؟

ع: خالص.. ساعدوني.. بأفكارهم و أدائهم.. بإيمانهم بيا كمخرج.. و إعجابهم بالسيناريو و أدوارهم.. و حبيتهم جدا و هما حبوني جدا و هددوني بالقتل لو مشتغلتش معاهم ثاني و أنا خايف على عمري و طبعا هسمع كلامهم.

ع: حفظي كمنتج كان عامل معاك إيه؟

ع: بينتج بعقلية السيناريست.. الفنان.. علشان كده كنا متوافقين.. بنحل مشاكلنا سوا و أنا خايف على ربحه و خسارته زي ما هو خايف على جودة الفيلم..

ع: تدي فيلمك كام من عشرة؟

ع: سبعة من عشرة.. علشان شفته مليون مرة بدأت أشوف مشاكله.. و خصوصا لما شفته في السينمات مع الناس.. إتعلمت كثير عن السيناريو و عن طريقة توصيل المعلومة للناس.. و يا رب أحاول أصلح أخطائي قدام.

ع: طاقم العمل عملوا معاك إيه؟

ع: تعبوا قوي.. صعبوا عليا.. طلباتي غريبة.. و هما كانوا بيحاربوا علشان ينفذوها مهما كانت صعبة.. ماحدش قالي ماينفعش.. و بشكرهم واحد واحد.. خصوصا احمد جبر.. هاني عادل.. شيرين فرغل.. عمرو يحيى.. نايف البسيوني.. سامح جمال.. ليلى سليمان.. بيريهان محفوظ.. الإنتاج كلهم و كل الناس الثانية للي ممكن أكون نسيت أقول عليهم.

ع: إيه النرجسية ديه؟ إخراج تأليف مونتاج إعلان الفيلم و أخرجت الفيديو كليب.. ليه؟

ع: أنا ألفت الفيلم علشان أعرف أخرجه.. و أقول معايا سيناريو حلو مش هديه لحد إلا لو أخرجته.. مبدأ الكورة كورتي و فيها لاخفيها.. و المونتاج و الله صدفة.. المونتير بتاعي قالي منتجه شوية و هاجي أقفله معاك.. و طنشني و معرفش يجيلي علشان عايش بره.. و لاقيت نفسي تقريبا خلصت الفيلم و المونتاج كان عاجب الناس اللي شافت فقلت البركة على الله.. الإعلان بقى أنا بموت في مونتاج الإعلانات من زمان و بستمتع بيها و بحس إن الفنان الصح هو اللي يعرف يبيع شغله.. الأغنية بقى علشان بنفسن و نفسي أعمل فيديو لهاني عادل أو لوسط البلد.. و مع إني مش بحب إخراج الفيديو كليب قوي لكن نفسي أخرج فيديو كليب لكذا حد بحبه.. وسط البلد.. نغم مصري.. محمود العسيلي.. محمد منير.. أنغام.. أصالة.. كايروكي.. سعاد ماسي (ده في الحلم طبعا) الناس اللي بحب أسمعلها أصلا..

ع: السيناريو أخد منك وقت قد إيه؟

ع: أول نسخة شهر.. بس كانت وحشة قوي.. بعدها مليون تعديل.. بسبب أراء حفظي و أراء كل أصحابي اللي ساعدوني فيه.. محمد معتصم.. أحمد فهمي.. محمد دياب.. حازم ويفي.. كلهم أدوني أراء جامدة.. و يمكن غيرهم كمان و أنا ناسي أساميهم.

ع: في ممثلين و فنيين كثير رفضوا يشتغلوا معاك في الأول.. ليه؟

ع: علشان ماكانوش واثقين في شغلي.. و ده حقهم.. و أنا مقدر ده.. و نفسي أشتغل معاهم قدام لما أثبت موهبتي.

ع: إحكيلنا عن المشاهد الصعبة و المواقف الظريفة اللي كانت في التصوير..

ع: لا تعليق.. أكثر سؤالين بكرههم.

ع: إيه أكثر حاجة بتحبها في كتابة السيناريو؟

ع: مزج الأفكار الفلسفية البدائية بالقصص البسيطة الممتعة.. في أسئلة كثير بتشغلني.. إحنا بنخاف من إيه؟ إزاي ممكن واحد يقتل؟ إزاي ممكن البني آدم يفقد إيمانه بالله؟ إزاي ممكن الواحد يتغلب على مخاوفه؟ إزاي البني آدم بيتغير في لحظة؟ و أفلامي محاولات دائمة لن تنتهي لإجابة الأسئلة ديه.. بس بطريقة حكي مسلية على قد ما أقدر.. فيها تشويق و إثارة و متعة.. خالية من الفجاجة و التفزلك و التجريح و الجنس.. مليئة بالصدم و اللأفكار الجديدة اللي مش متشافة قبل كده.

ع: إنت من أتباع السينما النظيفة؟

ع: طبعا.. بس أنا تعريفي للسينما النظيفة مختلف شوية.. السينما النظيفة هي السينما اللي بتحترم المتفرج و عقله و وقته و قيمه و أفكاره و فلوسه اللي دفعها علشان يشوف فيملي.. ممكن فيلم مايبقاش فيه جنس و عري و يبقى مش نظيف برضه.. و عن مشاهد الجنس.. أنا مش متأكد مية في المية عن حكمها الشرعي أنا مش شيخ.. بس على الأقل أنا معتقدش إني ممكن أخرجها.. لإني أتكسف أوجه الممثلين فيها.. أتكسف أصورها.. أتكسف أفرجها للناس.. أتكسف أفرجها لأهلي.. أنا إتربيت كده و مش عارف و لا عاوز أغير ده.. و لو الدراما إحتاجتها هتحايل عليها زي ما بتحايل لظروف إنتاجية أو ظروف تنفيذية هتحايل لظروف أخلاقية.. ديه مبادئي دلوقتي و أتمنى ماتتغيرش قدام..

ع: ممكن تخرج حاجة مش إنت اللي كاتبها أو تكتب حاجة مخرج ثاني يخرجها؟

ع: طبعا.. أنا أخرج أي سيناريو يستوفى فيه ثلاث شروط.. إنه عاجبني.. إنه مش ضد مبادئي و بيأكد عليها.. إني قادر أشوفه كصورة حاببها.. و أكتب لأي مخرج يعجبوا أفلامي و صورته حلوه و مقتنع بمادئي.

ع: إيه أكثر أنواع من الأفلام مأثرة فيك؟

ع: اللأفلام اللي فيها غموض و مفاجآت كثير و فيها برضه مشاعر و عنف.. اللأفلام اللي بتستخدم طرق سرد جديدة غير تقليدية و بتلعب بالزمن.. الجديد أكثر من القديم.. أكثر البلاد اللي بتعمل سينما عاجباني هي كوريا و أسبانيا و فرنسا و طبعا أمريكا أخيرا بس يمكن أقلهم.. و كام فيلم مصري بحبهم قوي.

ع: إيه الأفلام اللي مأثرة فيك؟

ع: أهمهم في الأجنبي

Fight club

Eternal sunshine of a spotless mind

Oldboy

Amelie

City Of God

Matrix

Open your eyes

Requiem for a dream

و في العربي الليلة الأخيرة، العصفور، المواطن مصري، في بيتنا رجل، معجزة السماء، الإختيار، أرض النفاق، أرض الخوف، الجزيرة، إشاعة حب، كده رضا، سهر الليالي، معالي الوزير، زوجة رجل مهم.

ع: مين أكثر المخرجين المأثرين فيك؟

ع: ديفيد فينشر، أليخاندرو أمانابار، كريستوفر نولان، أليخاندور إنياريتوا، ميشيل جوندي.. و من مصر.. كمال الشيخ و عاطف الطيب و شريف عرفة و طارق العريان.

ع: بتصنف نفسك مخرج تجاري و لا فني؟

ع: أنا بعمل الأفلام اللي أحب أتفرج عليها.. الإخراج زي الكلام.. طريقة للتواصل بين الناس.. لو بقول للجمهور اللي هو عايز يسمعه و أنا مش مقتنع بيه أبقى منافق.. لو بقوله أفكاري بطريقة منفرة من غير ما أمتعه أبقى أناني.. لو بكلمه بلغة هو مش فاهمها أبقى غبي.. لو ماشي أكلم نفسي أبقى مجنون.. أنا بعبر عن نفسي و فني بطريقة بحاول إنها تمتع الجمهور لأني بنزل فيلمي في السينما للجمهور.. أكيد مش كل الجمهور.. بس أكبر عدد ممكن يستوعب ستايلي و طريقتي.

ع: مين الممثلين اللي نفسك تشتغل معاهم؟

كل الممثلين اللي إشتغلوا معايا قبل كده.. و زيادة عليهم معظم اللي موجودين دلوقتي بحبهم و نفسي أشتغل معاهم كلهم بإستثناء كام إسم قليل قوي.. أنا مقتنع إن عندنا مواهب لو إستغلت في أفلام بجد معمولة صح الناس ديه هتبقى جامدة قوي.. و لو في يوم حلمي إتحقق و عملت أفلام عالمية نفسي أشتغل مع خابيير بارديم، جاييل جارسيا برنار، براد بيت، شارليز ثيرون و بينيلوبي كروز.

ع: تقول إيه للجمهور؟

ع: لو شفت فيلمي و ماعجبكش شكرا إنك دخلته و آسف إني ماعملتوش احسن.. لو عجبك شكرا قوي و هحاول أخلي الجاي أحسن.. لو ماشفتوش لسة شوفه علشان ده تعب سنين و قوللي رأيك.

ع: مشاريعك الجاية إيه؟

ع: أقرب إحتمال فيلم (باب السما) أنا اللي كاتبه برضه.. كان إسمه زمان (مشوار إسكندرية) مش عارف لسة مين الأبطال أكيد.. و كاتب سيناريوهين ثانين و بكتب في واحد خامس دلوقتي.. و أتمنى ألاقي مخرجين متحمسين يشيلوا عني الحمل.

ع: بنشكرك يا عمرو جدا و مبروك على الفيلم..

ع: شكرا و الله يبارك فيك..

http://www.youtube.com/watch?v=F_XBUNGB7_U

http://www.youtube.com/watch?v=wrezXPBdpuo

مستني تعليقاتكم