maaaaaaaaaaaaaaaaaaaaaaaaaaaaaaaan you hit in the head

i hope to read the girls answers

نبدأ الإسئلة..

ليه بتحبوا الدهب و الألماظ و بتلفوه حولين أعضائكم مع إنه لو بصينالهم بطريقه موضوعية هنلاقيهم شوية معدن و أحجار؟

عشان حاجات غاليه و مين مبيحبش الفلوس؟ بس البنات بتعتبرها زي الأراضي و الأملاك و الأصول العقاريه نوع من الأستثمار يعني لتأمين مستقبلها لأنها مش ضامنه البقف اللي معاها

مين أول حد فيكم إخترع إن الإنسان ممكن يغير خلقة ربنا.. لون جلده و شفايفه و شعره و عنيه من غير ما يعتبر مجنون و إزاي مشيته وراه و سميتوه مكياج و صبغة و عدسات؟ أديها وصلت لعمليات تجميل و شد و نفخ و مسيركم تقنعونا إن ده عادي برضه!
ربنا جميل بيحب الجمال و التزين من الدين و لو البنت معملتش كده هيتقال عليها مهمله في نفسها و شكلها يقطع الخميره من البيت.

ليه بتلبسوا في خمس ساعات مع إن فعل اللبس مع قوانين الفيسيولوجيا بياخد عشر دقايق؟

عشان زواقه و نضيفه بتحب تشووف كل حاجه مظبوطة و مكويه و نضيفه و ألوانها متناسقه و ماشيه مع بعضها الحزام و الشنطه و اللأكسسوار و حتي الشراب و لو محجبه اليشارب و الزم الميك اب يكون ماتشينج بس مبقتش بتوصل لخمس ساعات أنا حسبتها لا تتعدى الساعة الواحده

-
ليه بقى متوقعين إننا نقاد محترفين لشكلكم و للبسكم و لشعركم؟ و نقاد لازم يمدحوا بس؟

- بالعكس متوقعين نقد لاذع و سخريه في أي لحظه ده البنات مهريين نقد من ابهاتهم و أخواتهم الولاد و زمايلهم
الذكور في الشغل و لو فيه أبن جران بينتقد برده, و لأان المرأه كائن رقيق و جميل المفروض تدلل و يتقالها كلام حلو.. لأنها حساسه.. بس مش معني كده أنها لا تتقبل النقد اذا كان بناء, و لازم نبقي متفقين علي أن المظهر و الشكل شىء مهم عند البنت ممكن يكون سلاح في بعض الأحيان.. ممكن يكون مصدر عيش كمان.. و و في صناعة الأعلانات على سبيل المثال لو مفيش بنات موزز علي الأفيش مش هتنجح.

ليه متوقعين إننا من هواة لعبة “أجد الإختلافات العشرة” و إننا لازم ناخد بالنا من أي حاجة بتتغير في شكلكم؟

عشان البنات بتحب الأهتمام و لما تاخد بالك من أدق التفاصيل و الشياء الصغيره ده في حد ذاته نوع من الأهتمام الرقيق.
-

ليه لو قلتلنا “إنت محتاج تخس” أو “إنت كرشك كبر” أو “إنت محتاج تروح الجيم تظبط” مش بنتدايق و لو قلنالكم حاجة شبه ديه بتفكروا في الإنتحار؟

-عشان الرجال معندهمش دم و تنحين و الكلام ده مش هيزعلهم دول بيشتموا بعض في مناقشاتهم العاديه أفظع الشتايم جرب تهزر مع بنت و تشتمها بالأم و الأب و أن كاتت البنات خلاص دلوقتي بتهزر زى الرجال و أنيل كمان فأعتقد ان نقد زي ده أصبح مش بيدايق غير أرق البنات و أرهفهم احساسا

بذمتكم إنتم عايزين واحد بيغير و لا واحد ما بيغرش.. إختروا واحدة من الإثنين؟
لازم يكون بيغير و الا يبقي مبيحبش و ده نوع من الاهتمام مطلوب بس بحدود, و احنا كمان بنغير حتي و ان ابدينا الامبالاه احيانا

بدينكم إنتم عايزين ولد مؤدب و لا صايع؟
هرد علييك من نوت أنت كنت كاتبها يا عمرو “كوني” طلاباتنا لا تختلف عن أمنياتك في فتاة أحلامك-

بإيمانكم عايزين ولد عذري و لا كان مقطعها؟
مينفعش يبقى أبيض و خام تبقي ليلتنا طين, الخجل خليناه للبنت بس لازم يكون عنده حياء و ده غير الخجل

ليه على طول بنحب نقفل المكالمة قبلكم؟
عشان ده زوق و أخالق عالية أنا شخصيا مبحبش أقفل الخط في وش حد حتي لو كانت الخادمه

ليه بتكلمونا أكثر ما بنكلمكم؟

احترام و زوق البنت بطبعها Caring
و تحب تسأل علي الناس و تطمئن علي أحوالهم و لو محتاجين حاجه تقدر تقدم مساعده فيها
, ما بالك بقى لو حد بتحبه!

ليه مابترضوش بالإختصارات؟ يعني لو سؤالكم لينا “عملت إيه النهاردة” لا يمكن تكون إجابته “عادي” لازم نخش
علي “و إليكم الأنباء بالتفصيل”؟ لو بنحكيلكم على مكالمة شغل مثلا لازم نحكيها في وقت لا يقل عن وقتها الفعلي؟

ده كمان نوع من الأهتمام الزايد عشان مكانتش معاك في كل لحظه و رغبتها في انها تعرف عملت أيه و أنت مش معاها و فاتها كام لحظة سعاده و كام موقف كان ممكن تشاركك فيه

ليه فضوليين؟ ليه كلمة “لأ” بالنسبلكم مش نهاية الموضوع بل هي هدنة مؤقتة تعني إنكم هتسألوا ثاني قدام.. ليه الموضوع مابيتقفلش عندنا و لازم إنتم اللي تدوله أمر إقفال مش بيجي إلا لما تاخدم اللي إنتم عايزينه؟
عشان فيه حاجه أسمهامفاوضات Negotiations و حلول وسطCompromise حتى في السياسه الدولية فيه تفاوض يبقى ليه الواحد مايحاولش مرة و أتنين و خمسمية لو ده هيجيب نتيجه في الآخر و ناخد اللي أحنا عايزينه !

ليه بتحبوا أفلام ساذجة زي
the notebook
a walk to remember
gone with the wind
my best friends wedding
و حبيبي نائما و حافية على جسر من ذهب؟

و الله الرومانسيه مطلوبه احيانا الواحد بيحب يشوف حاجه فيها رومانسيه زايده أقرب لأفلام الخيال العلمي زي مابنحب نتفرج علي الفانتازي و الرعب, عشان دي حاجات مبتحصلش في الواقع
..الأفلام دي فيها الPerfection اللي بندور عليها و مش لاقينها

ليه بتحبوا أغنية
My All
معرفهاش بصراحة

ليه بتعيطوا كثير؟
الدموع بتطول العمر حقيقه علمية

ليه لما العلاقة بتخلص مابتبقوش مقتنعين لحد بعدها بسنين؟
عشان كانت جميلة أوي و Perfect
أوي و في لحظة كأن شيئا لم يكن العقل و القلب بيرفضوا الواقع المؤلم ساعتها و ده برده عشان الصدمه متكنش جامده نفسيا و ده صحي و التدرج بيقلل التأثيرالسلبى للصدمات .

ليه لما العلاقة بتخلص بتدايقوا قوي كده؟ ماحنا بنتدايق.. بس بعقل.. مش بنعيط بالساعات و نخس و نرجع و نخش مستشفيات و نقطع شراينا؟
عشان حبينا بجد

ليه لما تعرفوا حد يعرف الحبيب القديم بتتحولوا لودن و طلعلها بني آدم و تبقوا مفقوسين قوي إنكم عايزين تعرفوا أخباره؟

البنت لما بتحب بجد ممكن حياتها تتمحور حول الانسان اللي حبته, لو الحب الأول مش بيتنسي يبقى أى حب تاني عابر بعد كده لازم يسيب أثر أو علامة في قلب الفتاه عمرها ما هتنسى أي واحد مر في حياتها و لمس قلبها و مش حرام انها تعرف أخباره و تطمأن عليه حتي لو من بعيد لبعيد من غير ده ما يقلل من كرامتها.

ليه الشغل و الحياة العملية و الحلم اللي عايزين تحققوه في حياتكم مش في نفس أهمية حياتكم العاطفية و الراجل اللي بتحبوه؟ و مهما مثلتم إنكم مهتمين بالكلام ده برضه الراجل أهم حاجة في حياتكم؟

مش صحيح, أعتقد ان دلوقتي المرأه بقت فاهمه و مدركه تماما أهمية الحياة العملية و بناءcareer
و الكلام ده كله, و أنا لمسته أما لاقيت بنات كتير بتفضل شغلها علي حياتها العاطفية و ارتباطها , و ده بعد صدمتها في حقيقة الرجل الكائن الأنوي المغرور.

ليه الأسئلة اللي من نوع “إزاي هغير العالم؟” و “هعمل إيه قبل ما أموت؟”و “إزاي هحقق أحلامي” مش مهمة زي أسئلة “يا ترى بيخوني؟” “يا ترى لسة بيجبني؟” و “يا ترى لسة ماكلمنيش ليه؟”

واضح ان البنات اللي بتقابلهم في حياتك تافهين و مخهم فاضي, عمرو أنا مبنامش الليل عشان بفكر أزاي هغير العالم, أنا مكتئبه عشان مش عارفه أحقق أهدافي لأن بلدنا مبتديلناش فرصة و مش مساعدانا في حاجة, عشان فيه عقبات في كل حاجة و في ناس بتفلل من عزيمتك و تسخر منك و من أفكارك و أحلامك.. فيها أيه أما طموحي أكون وزيرة.. أنا حره أيه اللى مضايق الناس؟ ممكن أتهم بالجنان عشان حلمت.

ليه بتعوزوا تتجوزي بسرعة قوي قبلنا؟

والله بقي لو فيه ولاد معندهاش مانع تقيم علاقات محرمة و مبيهمهاش قيم مجتمع و دين و عادات و تقاليد يبقى دي حاجة ترجعلهم, أما البنت فعندها ضمير و أخلاق و شرف و حاجات تانيه كتير يتخاف عليها.

ليه بعد أي خروجة مع أي ناس ثانية بتبقوا فاكرين تفاصيل دقيقة فعلا مالهاش أي معنى و بتتناقشوا فيها إسبوع؟

ده أسمه ملي أحيانا بيبقي الواحد مش لاقي حاجه يقولها و مش عايز يقعد ساكت فبيفكر في أي حاجة يملى بيها وقت مش أكتر
.
ليه بتحبوا اللون الوردي – البمبي – أكثر من الكحلي؟

مش شرط الألوان دي أذواق بتختلف حسب الشخصيه بس تقدر تقول ان أغلب البنات بتميل للألوان الفرايحي اللي جايه من الطبيعة زي الورد و السما و البحر.

إزاي بتحبوا الفراولة أكثر من المانجة و الشوكولاتة؟
فاكس بنحب الشوكلا و المانجو كمان

إزاي مش بتشجعوا كورة و لما بتشجعوها بيبقى فعلا شكلكم مالكومش فيها؟

بنحاول نشارك أحبائنا أهتماماتهم حتي و ان كانت بعيده كل البعد عن اهتمامتنا زي ما واحد يعرف ان حبيبته بتحب العزف علي آله موسيقية معينه فيحاول يتعلمها

إزاي تابعتم ستار أكاديمي؟
أي حاجه بيتقال عليها واقعية بتجذب أكبر عدد من الجمهور

إزاي مش مقروفين من شعر صدر إسمه إيه؟
مين صدر إسمه إيه دة؟ هوعمتا بارك الله في امرأة ملساء و رجل مشعر أحيانا بيغتبر رجوله زايدة حتي أول حاجة المخنث بيعملها ازالة الشعر ده :p

إزاي بتصدقوا تمثيل إنريكي إجلاسياس في تصوير أغانيه؟
مبنصدقوش لأنه تمثيل بس بيعجبنا

ليه لو مثقفة قوي ده معناه إنك لازم تبقى ملحدة؟
أزاي! ده فيه عالمات و دكاترة جامعه و أديبات في منتهي الليمان و التقوى, مينفعش الثقافة تقترن بالالحاد

ليه لو متدينة قوي معناها إنها لازم بتبص لأي بنت ثانية بقرف باين مهما دارته؟
لأ البنات المتدينات بجد بيبقى قلبهم طاهر و شفاف في منتهي التقاء

ليه لو بتشربوا سجاير و إنتم بتطلعوا الدخان بتطلعوا راسكم لفوق قوي؟
يمكن بيحاولوا يبعدوا الدخان عن الناس اللي حاوليهم هوه أنت لازم تضر نفسك و اللي حاواليك كمان؟

ليه بتشتموا بالإنجليزي عادي بس بالعربي لأ مع إن المعنى هو هو؟
عشان وقع الكلام بالانجليش مختلف تماما عن العربي, جرب كده تقول ال F word مررة بالعربي و مره بالأنجليش, و متنساش ان ال F word أما بتستخدم في ال Culture الغربية بتبقي معناها “تبا لك”D: زي م بتترجم في الأفلام و مبيبقاش معناها الحرفي زي مبتتقال بالمصري الركيك.
.

ليه مش كلكم نادين لبكي و بينولوبي كروز؟ فنانة و حلوة و جسمها حلو و مثقفة؟
خلقة ربنا بقي و لولا اختلاف الأزواق لبارت السلع, الحياة كانت هتبقي ممله أوي لو كل البنات أشبه بدمي الباربي, بس أنا عارفه أن فيه بنات كتير مثقفات و أنيقات و جميلات في مصر.

ليه لو مثقفة تبقى وحشة؟ و لو حلوة تبٍقى أهم راجل في حياتها إيلي صعب و أهم كلمة بتقولها هي “جوشي”؟

لو مثقفة ممكن تكون جميلة أوي و مزه و في الحالتين لو جميلة أوي أو نصنص لازم تهتم بأناقتها و مظهرها و بالموضة و الأزياء.

ليه مش بتحبوا أصحابنا قوي، و بتغيروا منهم حتوا لو مثلتم العكس؟
عشان ممكن يكون الراجل بيبالغ في حبه لأصحابه و كأنهم أهم حاجه في حياته أهم منها هي نفسها و طبيعي أي حاجة هتاخدك منها هتبأه بمثابة منافس هيخليها تغير سواء كان أصحابك , شغلك أو أى أمرأة أخرى غيرها.

ليه مابتحبوش صحابكم إنتم أصلا قوي و بتغيوا منهم برضه؟
الغيرة دى شيء طبيعي عند كل البشر, بس الواقع أنها لو وجدت بين الأصحاب بتبقي لحظية ده ان وجدت أصلا, بس موضوع مبتحبوش بعض دي ملهاش أي أساس من الصحة, ده أنا ممكن أقعد مكولش اسبوع و كأن حبيبي هجرني, لو كنت متخاصمة مع صاحبتي و ممكن أعيط و أنهار نفسيا. لو كنا علي خلاف و ممكن درجة الحب توصل لأكتر من أخوات و يبقي فيها تفاني.

ليه عندكم معاد في البيت؟
مش فاهمه سياتك؟

ليه بتروحوا الحمام سوا؟ بجد ديه بتنرفز قوي..
عشان اللي معاها blusher, lip-gloss ممكن تديه لواحده و اللي معاها Feminine stuff
و اللي عايزة تظبط هدومها و اللي عايزة حد يقفلها حاجه من ورا ولا تديلها حاجه حريمي ميصحش تديهلها قدام الناس أودردشة فى كلام مينفعش يضطلع عليه السادة الرجال

ليه بتدققوا في أي بنت تخش المكان أكثر منا إحنا و بتجبوها من فوق لتحت و بتركزوا في كل مناطقها الحساسة؟
من باب الأضطلاع علي آخر صيحات الموضة

ليه لما موبايلنا بيرن بتبصوا عليه و تشوفوا إسم اللي بيتكلم؟
فضووول

ليه بتعملوا كل جهدكم علشان تلفتوا الأنظار و لما تلفتوا الأنظار بتدايقوا إن الناس مركزة معاكم؟
ده جنان ده ولا أيه؟
!

ليه صعب الواحد يتعرف عليكم و يتجوزكم و يخلي أهلكم يحبوه و يدفع دم أهله في شبكة و مهر و سلطة و بابا غنوج مع إن الأجانب مش عايزين كل الكلام ده و أحلى كمان و عندهم هدف لحايتهم مش معتمدين على الراجل و مستنيين العدل.. لأ و تتعرف عليهم في لحظة؟ .. و في منهم مسلمين لو عايزين تقفلوها يعني..
لأ حمار مين اللي قالك الأجانب مش عايزين الكلام ده هما هياخدوا أكتر من كده عشان بره لو حصل طلاق هتاخد نص أملاكك و الشبكه و المهر أقل بكتير من نص أملاكك أكيد.

ليه مش فاهمنا مع إننا سهلين و معندناش أسئلة زي ديه صعب إجابتها؟
. أنت شايف نفسك مفهوم عشان أنت راجل, بس بالنسبة لنا أنت برده كائن خرافي مجهول عجيب و صعب الفهم

إزاي بتخلونا نحبكوا و إحنا مش فاهمين كل ده؟
عشان هبل :p