أحسن أفلام ٢٠٠٩ مع التعليل.
كتبهاعمرو سلامة ، في 2 يناير 2010 الساعة: 17:51 م
طبعا هيبقى كليشيه قوي لو قلت قد إيه ٢٠٠٩ كانت سنة أقل ما يقال عنها إنها "مش لطيفة"، على المستوى العالمي و المحلي و الشخصي، علي مستوى الأفلام و إحباطتها أو المزيكا و خسارتها.
و في السينما الموضوع واضح قوي إنها من أضعف السنين، و الأوسكار هتواجه صعوبة بالغة في تقيم من أسوأ من من.
بإستثناء بعض الأفلام الجيدة، لا يوجد بينهم فيلم عبقرى أو مبهر يجعلك تشعر إنك رأيت شيء لم تراه من قبل.
ربما بإستثناء أيضا أفاتار و كريسماس كارول، ليس لإي شيء إلا لوجود ثلاثية الأبعاد، قصص مكررة و صورة رأيتها آلاف المرات في أفلام الخيال الفانتازية و أستطيع أن أجذم أنه لو كان (سيد الخواتم) بأجزائه الثلاثة ثلاثي الأبعاد لكان آفاتار بالنسبة له طفل في ثانية إبتدائي، و لهذا أرجع الفضل للتكنيك و للكاميرا الستريوسكوبيك الجديدة.
أما فعلى المستوى المحلي أكاد أن أقول لم ينجح أحد ربما بإستثناء أفلام عددها لا يتعدى عدد أصابع اليد الواحدة، و ليس بها من عبقري أيضا و لكن أفلام يطلق عليها أفلام تطرح للمناقشة و ليس كباقي العشوائيات الآيلة للسقوط بعد أول ربع ساعة من مشاهدتها، بس إعفوني مش هقدر أتكلم عن العربي لأسباب دبلوماسية فنية بما إني بقيت في وسط المعمعة فلازم أحترم نفسي.
و لهذا أجد أنا نفسي صعوبة في إختيار أهم أفلام السنة، و بعد طول تفكير حطيط القائمة ديه بترتيب من الأفضل للأقل، بناء على ذوقي الشخصي فقط لا غير، و أتمنى أن تردوا بأفلامكم المفضلة عشان لو مش عارفها أشوفها.
ملحوظة * أعزروني لكتابة أسامي بعض الأفلام بالعربي عشان فيه مشاكل بتحصل لما بحط عربي مع إنجليزي في نفس السطر.
Un prophet
France
الفيلم كان ممكن يبقى فيلم جريمة عادي، تدور أحداثه في السجن، و لكن حرفية الكتابة اللي مخلياك مشدود طول الفيلم بشكل مبهر، رغم التطويل فيه شويه، و كمية التفاصيل الجديدة الواقعية جدا، و كمية تعاطفك مع البطل، و توحدك معاه.
بالرغم من الرمزية "البيئة" اللي بتفكرني برمزية مخرجنا النجم إياه، و محاولة ساذجة لتشبيه البطل بسيدنا محمد صلى الله عليه و سلم، معمولة بطريقة ساذجة بدون هدف، و كرهي ليها مالوش دعوة بمعتقداتي الدينية على قد ما له دعوة بمعتقداتي السينمائية، عن إن الرمزية لازم تكون ضمنية جدا مش واضحة مباشرة و لازم تفيد تيمة الفيلم، مش معمولة بس عشان أنصاف المتعلمين يحسوا إنهم حلوا الفزورة. و لكني برضه معجب بالصنعة، و بالحكي، و برضه أكثر فيلم متعني في السنة.
Inglorious Basterds
U.S.A
الفيلم طبعا مزيكا، حاجة كده أوبها، متعة رهيبة و حرفية كتابة رهيبة و أول فيلم يغير الأحداث التاريخية بالشكل ده و يضرب المصداقية التاريخية عرض الحائط، حوار تارانتينو الصايع، و براد بيت في دور ظريف، و دموية عنيفة جدا ربما زادت عن المطلوب، بس برضه تارانتينو معاه شهادة معاملة أطفال و مرفوع عنه القلم، واجهتني مشكلة، هو ده أحلى فيلم و لا النبي، بس يمكن النبي يكسب لإنه بهرني أكثر، الفيلم أعتقد أنه أحلى فيلم لتارانتينو لإني مش من العشاق العمي لبالب فيكشن، بحبه آه بس مش مبهور الإنبهار السائد مش عارف ليه، يمكن عشان شفته متأخر.
El secreto de sus ojos
Argentina
غير إن الفيلم فيه أصعب (لقطة طويلة) شفتها في حياتي، و لكن السيناريو حلو قوي، الفيلم في أوله مش حلو، بس كل ما بيكمل بتنبهر بالقصة و اللعب اللي فيها، و خصوصا آخر نص ساعة، بلياردو، درس لصناع الغموض و التويستات.
(500) Days of summer
USA
أحلي فيلم رومانسي كوميدي بعد (آني هول) و (وين هاري ميت سالي)، مسلي، أثر فيا جدا، ضحكني، ترتيب السيناريو ذكي جدا، الصورة فيها أفكار جديدة حلوة قوي، ماهواش فيلم ستوديوهات أمريكا و متفبرك و لا فيلم شيوعي مدعي، فيلم حلو، للأسف مانزلش سينما عندنا، كان هيبقى أحلى خروجة ليك مع صاحبتك.
The Time that remains
Palestine
طبعا الحمد لله العرب لسة عندهم ناس بتعمل سينما، زي المغاربة و الفلسطيين و اللبنانيين، اللي هما مش من بتوع الفلوس و السوق عايز كده، و لا من بتوع المباشرة الفجة اللي فاكرة إنها بتعمل سينما متميزة طول ما بتقدم عري و كلام ضد الدين و خرا، السينما مش كده يا كفرة، مش كفرة دينيا، كفرة سينمائيا، لو عايز تشتم في الدين إشتم طيب في فيلم حلو، خليني أتكسف منك، عايز تقدم عري، قدمه في فيلم ليه أي معنى أو فيه أي حرفة، إحترم ذكاء الجمهور، قدمله أفكار جديدة مش كلها أفكار المنقبات و المتديين الكارتونيين، الحمد لله لما تشوف فيلم لواحد زي إليا سليمان، الفيلم ليه ستايل مش شبه حد غير نفسه، بيحكي بعنيه و بقلبه مش زي كتب السيناريو ما بتعلمنا، بس برضه بيعمل لحظات جميلة و ضحك دافي حميم، الفيلم حسيته تكملة للفيلم اللي قبله (يد إلهية) اللي كان عبقري برضه، بس الفكرة إنه تكملة لشخصيته و ذكرياته، أنا أحييه و أفخر إنه عربي.
Where the wild things are
USA
الفيلم أنا شايفه عبقري، و فاهم ليه الناس و النقاد مش شايفينه كده، الفيلم مكتوب بعقلية طفل في التاسعة، بدون عقد أو حلول ذكية، تحس إنك فعلا رجعت للطفل اللي جواك، بدون فزلكة أو إبهار متذاكي، الفيلم كله من عنين الطفل و من دماغه، مستعد أشوفه كل يوم، من كثر الأحاسيس الحلوة اللي حسسني بيها.
The world’s greatest dad
USA
فيلم عدى ماحدش خد باله منه، مع إن فيه فكرة عبقرية، من الأفكار اللي بيقولوا عليها هناك (هاي كونسبت)، فكرة الفيلم حلوة قوي، و بتبين تفاهة الأمريكان و العالم، أحلى دور يمكن لروبين وليامز، و مستني أشوف نجمنا الكبير إياه أو أى حد من حرامية الخزن بيسرقوا الفيلم ده و بيعملوه في مصر عشان نشوف النسخة الوحشة منه.
Mary and Max
Australia
فيلم كرتون، بعقلية راجل كبير، فيلم خشن، مؤلم، سودوي، مختلف، النقيض لأفلام الكرتون الأمريكية، سيناريو متميز جدا، طريقة حكي جديدة.
Sherloke Holmes
USA
متعة السنة، ساعتين من القعدة على طرف الكرسي، سيناريو ذكي لأقصى الحدود، إخراج ستايل جدا، جاي من أكثر مخرج ستايل (جاي ريتشي)، الراجل يعني عمل سناتش و كان متجوز مادونا، يعني قفل الجيم، ده غير روبرت داوني جونيور، داوني في الفيلم ده كان "داوني و بشير، داوني و الجون" ربنا يحميك يبني.
Agora
USA, Spain
مخرجي المفضل، الفيلم فيه مشاكل في الحكي، بس برضه من أكثر الأفلام اللي شفتها في حياتي خليتني أفكر، فيلم إلحادي تماما، ضد الدين بكل أنواعه و أشكاله، بس من خلال سينما جميلة، على مستوى الصورة و على مستوى التفكير، بدون كلام كبير أو إعلان فيه بنات بالملابس الداخلية. كنت أتمنى يكون أفضل لإني بموت في المخرج ده، و كنت متحمس للفيلم، بس برضه خارج من الفيلم مرضي و مبسوط.
Away we go
USA
سام ميندز، مبدع (أميريكان بيوتي) عمل فيلم قريب جدا إسمه (ذا ريفولوشانري رود) بطولة دي كابريو و مراته كيت وينسلت، الفيلم عجبني قوي بس كرهني في أم العلاقات و الجواز، الفيلم ده بقه النقيض تماما، يحببك في العلاقات و الخلفة و الدنيا، فيلم جميل، مؤثر جدا، بسيط جدا، مضحك من كسوف البشر من مشاكلهم، فيلم بسطني و شفته كذا مرة.
Goodbye Solo
USA
فيلم بسيط جدا، برضه درس في الضمنية و عدم المباشرة الفجة، مشاعر راجل بيودع و عايز ينتحر، قصة إتعملت مليار مرة، بس برضه فيها مصداقية و مؤثر جدا.
Zombieland
USA
مزج الأنواع، الكوميديا مع الرعب، مزج أثبت فشله عبر السنين، و جه الفيلم عشان يثبت إن مش مهم النوع المهم معمول إزاي، بهدي الكلام ده لأي حد بيقول "لأ أصل الرعب مايكلش مع الجمهور المصري، أو الميلودراما" لأ لو الحاجة معمولة كويس هتنجح.
Hangover
USA
ضحك السنة، أكثر ساعتين ضحكت فيهم في ألفين و تسعة، هما و يمكن (طير إنت) – مع الإعتذار للشيوعيين -
لسة ماشفتش مثلا (أب إن ذي إير) و أفلام ثانية مهمة، بس باني الكلام ده على اللي شفته، فيه أفلام ثانية حلوة زي (ذا هرت لوكر، فيش تانك، بريشس) و أفلام ثانية بس ماحطهمش في القايمة برضه عشان مايستهلوش يبقوا من أفلام السنة من وجهة نظري، في حاجات عجبت الناس جدا و أنا شايفهم إحباطات جدا زي أفاتار و (ديستركت ناين) و غيرهم، و في مصر أحب بس أبدي إعجابي بـواحد صفر و إحكي يا شهرذاد بالذات، و كمان أهني محمود كامل و محمد سليمان في أول تجاربه على عزبة آدم، و فيه أفلام ثانية قليلة قوي عجبتني، بس دول هما اللي فعلا يستحقوا الإشادة.
ـــــــــــــــــــــــــــــــــــــــــــــــــــــــــ
التصنيفات : نقدي و آرائي | أرسل الإدراج | دوّن الإدراج
يناير 3rd, 2010 at 3 يناير 2010 3:22 م
شكرا يا استاذ عمرو على المدونة دى
لانك بتفيد بيها ناس كتير
انا بس عايزة اعرف انت بتشوف ازاى الافلام الفرنسية والارجنتينية …اللى مش امريكية
انا مش بلاقيها على النت…ومش كلها بتيجى فى مهرجان القاهرة السينمائى…بتشافر مثلا؟؟
عموما شكرا مرة تانية على المدونة
يناير 5th, 2010 at 5 يناير 2010 12:30 ص
ماهو انت مش بتحب بالب فيكشن عشان مش عارف الشنطه فيها ايه
في فيلم جوليا وجولي لميريل ستريب هايل
بس غريبة ان مجبتش سيرة فيلم بيكسار Up
يناير 5th, 2010 at 5 يناير 2010 12:35 ص
اه نسيت اقولك ان افاتار هياخد اوسكار احسن فيلم السنة دي
انا عارف الناس دي بتفكر ازاي
اللي خلاهم يدوا حفنة الروث اللي علموها كوين برازر
نو كانتري فور اولد مان احسن فيلم في سنتها على فيلم الواد اللي ملهوش زي داي لويس زير ويل بي بلد
there will be blood
FUCK THE OSCAR
يناير 5th, 2010 at 5 يناير 2010 12:17 م
طبعا انا معاك ان ” نبى ” ياخد المركز ده و برضه بعد الفيلم سالت نفسى ايه علاقة اسم الفيلم بالفيلم و يمكن يقصد مشهد الغزالة, لكن لو يقصد تشبيه بسيدنا محمد افتكر يبقى تفكير اوديار ساذج جدا و لكن اعتقد انه يقصد ان هو السبب مثلا فى انه يذل المعسكر التانى الكورسيكين اللى كانوا بيحتقروا المسلمين و و طبعا افاتار انا مش شايفة فى اى حاجة مبهرة حكاية امريكانية فكسانة ولا ليها اى لازمة و فعلا خرجت من السينما و انا زعلانة على كل الفلوس اللى دفعتها و بذات انى اصلا كان معايا نظارة السيملتور بتاعت دريم بارك اللى هو امتع من الفيلم بمليون مرة و حسيت انه ممكن يتشاف من غير نضارة عادى جدا …..
يناير 6th, 2010 at 6 يناير 2010 7:00 م
عمرو انا مش عارف انا بكتب الكومنت دا ليه
انا اصلا لسه مقرتش الموضوع
بس انا قلت يمكن تشوف ردي دا
لاني كتير ببعتلك ع الفيس ومفيش رد
فا قلت يمكن هنا تشوف ردي وترد عليا وانا اصلا
مسجل مخصوص عشان اكتبلك الرد دا
وعايز اقولك انك بجد مخرج هايل
وانت الي حببتني ف الاخراج
عشان كدا قررت اني اكون زيك
وبحاول اتعلم الاخراج ونفسي ابئا زيك ف يوم م الايام
يارب كلامي دا تكون شايفه
عشان نفسي اتكلم معاك من زمان والله
وهبئا اقرا الموضوع واقولك رائي
وانا كنت بقرا حجاتك الي فاتت كلها وشفت كل افلامك
وحوراتك ف التليفزيون ومتابعك من فتره
وربنا معاك يا عمرو والفيلم الجاي يبئا احسن واحسن
وتبئا احسن مخرج ف مصر وتوصل مصر للعالميه بافلامك كمان
وياريت تساعد الشباب الي زينا وتوجهنا
وسلام يا عمرو
يناير 6th, 2010 at 6 يناير 2010 7:36 م
العزيز عمر سلامة ..
أتابعك منذ مدة .. ومعجب جداً بالتدوينات التي تقوم بها .. توصلت إليك منذ مدة من مدونة تامر فتحي .. وها أنا أتجرأ لأول مرة للرد عليك ..
طبعاً ما جذبني للرد هو أنني تابعت بعض الأفلام التي وضعتها في القائمة ، وقد كونت نفس الرأي بصراحة بإعتبارها أفلام تستحق بالفعل .. لذا عرفت أنني أتشارك معك ذوقياً .. وأن بمعادلة بسيطة فإن الأفلام الأخرى ستكون ممتعة لي ..
طبعاً ما شاهدته هو بإختصار الأفلام الأمريكية فقط ، لأنني أحصل عليها من خلال التنزيل .. شاهدت
Mary and Max
Zombieland
(500) Days of summer
أرائي فيها كما قلت تماماً … لا أخفيك صراحة بكيت في ماري أند ماكس ..
لم أستطع الحصول أو تنزيل
Un prophet
Agora
كيف يمكنني الحصول عليها ..؟!!
يناير 10th, 2010 at 10 يناير 2010 4:12 م
استاذ عمرو حضرتك فعلا اللى بتكتب فى الموقع هنا
انا عندى اساله كتير ليك
اولهم عاوز اعرفك بنفسي طالب تجاره بالغلط او بالعافيه وف اخر سنه وبحاول ادخل مجالى السينما بس مش عارف اكسر الحاجز انا لسه مجربتش الف على منتجين
بس ده فى المرحله الجايه جت فى دماغى فكرة الافلام القصيره وهحاول انفذها فى اقرب فرصه
بكتب فى سيناريو وعندى اكتر من فكره
قالو لى الاخراج لازم يبقى عمى او خالى ولو ابويا يبقى افضل منتج
انا مش عارف اقولك ايه حاليا بس ياريت اتواصل معاك بحاول اتعلم فن السينما اللى هوه المونتاج
اخيرا سمعت محاضرتك انت مع محمد دياب عجبتنى كلمة دياب انى لازم اتاكده انى موهوب بس قلقتنى تفتكر احكم على نفسي ازاى
يناير 15th, 2010 at 15 يناير 2010 10:31 م
مش عارف الردود بتاعتنا مش بتظهر ليه..؟؟
يناير 16th, 2010 at 16 يناير 2010 7:58 م
[...] director, Amr Salama, discusses [Ar] some foreign movies screened in 2009. In his opinion, the Oscars committee will [...]
مايو 26th, 2010 at 26 مايو 2010 10:52 ص
The world’s greatest dad
USA
فيلم عدى ماحدش خد باله منه، مع إن فيه فكرة عبقرية، من الأفكار اللي بيقولوا عليها هناك (هاي كونسبت)، فكرة الفيلم حلوة قوي، و بتبين تفاهة الأمريكان و العالم، أحلى دور يمكن لروبين وليامز، و مستني أشوف نجمنا الكبير إياه أو أى حد من حرامية الخزن بيسرقوا الفيلم ده و بيعملوه في مصر عشان نشوف النسخة الوحشة منه.
ما بلاش انت….
يوليو 19th, 2010 at 19 يوليو 2010 10:02 ص
عليا النعمة انت راجل بتفهم
أكتوبر 2nd, 2010 at 2 أكتوبر 2010 2:01 ص
United States Restaurant Guide - a guide to every restaurant, http://restaurants-us.com/tx/Austin/Home%20Slice%20Pizza/78704/
أكتوبر 16th, 2010 at 16 أكتوبر 2010 8:10 ص
This link provides information on how to reach state insurance regulators that can help to provide state-specific information relating to car, homeowner, … http://insuranceinstates.com/nevada/Las%20Vegas/Allied%20North%20America%20Insurance/89113/
مارس 17th, 2011 at 17 مارس 2011 9:09 ص
تذاكر بسعر مخفض من مصر للطيران
اعلان
بشري سارة للجالية المصرية بالرياض
من شركة مصر للطيران
عرض خاص ولمدة محدودة
الرياض -القاهرة أو الاسكندرية
ذهاب وعودة
فقط 999 ريال
عرض خاص ولمدة محدودة
بادر بالحجز
فالمدة محدودة
حتي نهاية ابريل فقط
http://www.egybox.org/vb/showthread.php?53320-%D8%AA%D8%B0%D8%A7%D9%83%D8%B1-%D8%A8%D8%B3%D8%B9%D8%B1-%D9%85%D8%AE%D9%81%D8%B6-%D9%85%D9%86-%D9%85%D8%B5%D8%B1-%D9%84%D9%84%D8%B7%D9%8A%D8%B1%D8%A7%D9%86
يوليو 7th, 2011 at 7 يوليو 2011 7:50 ص
solar light system…
(…)Solar light system kits can help you to light your home, shed or even garage all by harnessing the power of the sun. This not only keeps your electric bill down but it helps protect the environment as well(…)…
أغسطس 18th, 2011 at 18 أغسطس 2011 8:38 م
Awesome website…
[...]the time to read or visit the content or sites we have linked to below the[...]……
سبتمبر 20th, 2011 at 20 سبتمبر 2011 3:47 ص
How To Find A Test Blog…
[...]To have many skills you can successfully do at a lot of jobs and doing almost no mistakes…[...]…
سبتمبر 22nd, 2011 at 22 سبتمبر 2011 9:29 ص
OH HAI…
I couldn’t resist commenting…
نوفمبر 26th, 2011 at 26 نوفمبر 2011 4:34 ص
free iphone games ipad download android apps…
[...]Can I just say what a reduction to seek out somebody who truly knows what theyre talking about on the internet. You undoubtedly know methods to bring a difficulty to light and make it important. More individuals must read this and perceive this as…
فبراير 1st, 2012 at 1 فبراير 2012 8:10 م
forex trading systems…
You made some decent points there. I seemed on the web for the difficulty and located most people will go together with along with your website….
مارس 13th, 2012 at 13 مارس 2012 1:20 م
Good news…
[...]Wonderful post! We will be linking to this particularly great post on our website. Keep up the great writing.[...]…