حبيبي، نصيبي، ملاهيبي، مكاتيبي
كتبهاعمرو سلامة ، في 15 مارس 2010 الساعة: 14:46 م
هل أنا الوحيد اللي لما يسمع كلمة "محتاجالك" في أغنية بيتوقع إن الكلمة اللجاية اللي هتوزن السجع هي "مشتاقالك"، و يلاقيها فعلا "مشتقالك"؟
هل أنا الوحيد اللي مستغرب إن نادرا ما تيجي أغنية مافيهاش واحدة من تصريفات الجملة ديه "تعالى يا حبيبي" فيغيروها و تبقى "يا حبيبي تعالى" أو "تعالالي يا حبيبي" إلخ….
هل أنا الوحيد اللي زهق من إن كل الأغاني عن الحب بس؟ و إزاي القلب "متشوق"، و "حيران"، و "مابينمش الليل" و "محتاجك تضميه"؟
و أسأل نفسي سؤال، هو السوبر ماركت بتاع الشعراء، ماعندوش إلا الكام كلمة دول؟ و هل ده الكلام اللي بيتقال فعلا بين الحبيبة اليومين دول؟ يعني فيه حد بيقول لصاحبته، "رموشك جراحة"؟ أو "ضميني بعنيكي"؟ أو "طولتي الغياب عليا"؟
أعتقد الكلام بين الحبيبة دلوقتي متجه أكثر، لكلام زي، "ماتشحينيلي كارت بخمسة"، أو "إحنا لازم نقعد في كافيه مافيهوش مينيمام"، أو إقناع دائم بالزواج العرفي، أو بإن العمليات إياها بقت تقريبا ببلاش.
معظم الشعرا بيقولوا إنهم بيكتبوا الكلام ده و بيتباع عشان الناس عايزة كده و لسة بيشتروا و مش هيشتروا غيره، طب هو مش ممكن يكونوا بيشتروه عشان ليس لديهم إختيارات أخرى؟
ليه إختصر الكلام المختلف على محمد منير ساعات، و محمود العسيلي ساعات، و بعض فرق الساقية اللي بتنحت في الصخر؟
هو إحنا شعب غبي لا سمح الله؟ و لا الفنانين بتوعنا هما اللي عندهم كام جملة في الدرج، و في كل أغنية بيوصلوا الجمل بشكل مختلف و خلاص؟
أنا لازم يعني أعمل فيها خواجة و أسمع إنجليزي بس عشان أسمع كلام جديد؟ طبعا هما أغاني البوب عندهم فيها أنيل من عندنا، بس برضة في ملايين الفنانين اللي بيغنوا كلام مبتكر كل يوم، حتى لو عن الحب، بيحكي تجارب شخصية حقيقية، أو بيألف مواقف مبتكرة، و بيحكي عن العلاقات من خلال تفاصيل بسيطة جدا.
و فيه حاجة ثانية المفروض نقف عندها كثير، ليه هناك معظم المغنيين بيألفوا و يلحنوا لنفسهم و هنا لأ؟ ليه المغني عندنا لا بيألف و لا بيلحن؟ هل لإن معظمهم ماكملوش تعليمهم في مدرسة الحياة، و ماعندهومش حاجة يقولوها، و هما مجرد حنجرة و مشاعر مزيفة؟ و بيدوروا بس على "الغنوة البياعة اللي بتاكل مع الناس"؟ ليه مش بيطوروا نفسهم و يتعلموا آلات موسيقية أو يتعلموا إزاي يكتبوا، عشان كل واحد يطلع من الي جواه شوية.
ليه ماعدناش أغنية عن كل موضوع في الدنيا؟ ليه هناك (مايكل جاكسون) و (بوب ديلين) نجحوا النجاح الرهيب ده و هم معظم كلامهم إجتماعي أو فلسفي جدا و قليل لما تلاقيلهم أغنية حب؟ ليه دلوقتي (جون ماير) و (جاسن مراز) مكسرين الدنيا في العالم و هما بتكلموا عن كل حاجة، و حتى لما بيتكلموا عن الحب بيحكوا مواقف حصلتلهم بجد معظمها، بيكتبوا لنفسهم و بيلحنوا لنفسهم معظم أغانيهم، أو على الناحية الثانية الهيب هوب اللي كلامه كلام الشوارع و النواصي.
و ليه هناك عندهم مليون نوع موسيقى، و إحنا عندنا إثنين بس؟ "عادة" و "شعبي" – شعبي بكسر الشاء – ، و العادة معظمه الإيقاع المقسوم اللي طلع من أوائل التسعينات، هو هواه، قص و لزق تقريبا بقاله عشرين سنة، و الأوكورديون إياه، أو الأغاني "الدراما" كما يطلق عيها نصف المطربين و النصف الآخر يقول عليها “إزلو" -قصده slow –، و بتبقى مهرية كمنجات بنفس الطريقة يا إما ناي بشكل مبتزل.
و ليه كل بوسترات الشرايط و السيديهات عليها صورت "المطرب"؟ ليه مافيش أفكار للبوستر أبدا؟ ليه لازم أشفها أو أشوفه مهري مكياج و لابس لبس مقزز بيحاول يكون "إزتايل"؟ هل لإن الألبوم فعلا مش عن حاجة معينة غير مجموعة أغاني بتحاول ترضي جميع الأزواق؟
و لما تلاقي حد عندنا حد بيحاول يختلف تلاقيه في معظم الأحيان يا عيني نص صوت و نادرا لو شكله مشرف ينفع يبقى نجم.
ماعادا طبعا قلة و هما دول اللي نفسي فعلا ينجحوا و يلاقوا فرص وسط أغاني القنوات و الإذاعات الجميلة بتاعتنا.
أنا بكره الناس المتشائمين اللي شايفين بره أحسن من جوا في كل حاجة، أو اللي مقتنعين إن زمان أحسن من دلوقتي و فين أيام درويش و الحامولي، و بكره أكثر منهم اللي مقتنعين إن جمهورنا غبي و مش عايز يتطور، أي جمهور في الدنيا متقبل للتغيير لو التغيير حلو و معمول صح، و هيأثر فيهم و هيفاجئهم، و فيه أمثلة قليلة حصلت قريب كانت كده، أينعم مش هتنجح أكثر من أبو شعر في صدره، أو من الثاني اللي عنده سبعين سنة و شكله عشرين بإسم الله ماشاء الله، بس هيبقى ليك جمهور ثاني بيقدرك و وفي ليك و لفنك أكثر.
أتمنى من كل المغنيين المصريين و القائمين على صناعة الموسيقى أن يجددوا، يبقى عندهم ضمير، مايسرقوش من بره الأغاني، بس يقلدوهم في تفانيهم لفنهم و في تنوعهم، يحترموا الجمهور، و يحترموني، عشان أحترمهم.
ـــــــــــــــــــــــــــــــــــــــــــــــــــــــــ
التصنيفات : نقدي و آرائي | أرسل الإدراج | دوّن الإدراج
مارس 15th, 2010 at 15 مارس 2010 8:12 م
استاذ عمرو او عموور
اولا انا عاوز اقولك شكرا لانك بتناقش حاجه بتخنق او بت….. عليينا كل يوم وانا واثق ان فعلا كل الدولاب بقي نفس التيشرت بس بالوان مختلفه نفس الموسيقي الدرامية الغبية دي او موسيقي الشعبي والمؤثرات الصوتيه الخره دي ,,,,
لدرجه انا هقولك حاجه و يا تصدقها يا متصدقهاش
انا في اغاني كتير اوي بسمعها مجرد اسمع اللحن واول كلمتين وانا بكملها لوحدي والله يا عمرو بكملها لوحدي
“لو نسيتيني مش هنساكي ..هدور عليكي… وهجيبك من رجليكي… وابقي سعيد بيكي.. ده انا كل حلمي فيكي.. عش يضلل عليكي …ده انتي ملاكي.. و دنياكي.. و شباكي وهكذا … وتلافي السينيو موسيقي عاليه “لو نسيتيني مش هنساكي ………الخ حاجه بنت ميتين ….
ما انا شايف اني انفع اهوه ههههههه
انا مع اغنية “دور علي نفسك”بغض النظر عن فنيتها او عن شخص اللي بيغنيها او عن اي حاجه…
بس هيا مش بتقدم حب ونجحت وفي ناس كل ما تحس انها مش ناجحه تقولك دور علي نفسك
في حاجه تانية كمان يا حبي”عمرو”
الهوجه بتاعت اغاني مصر دي مالكش عليها تعليق..
اي حد عاوز يكسب شعبية يغني لمصر او اي حد بينافق ويجامل يغني لمصر و الله اعلم بالنوايا
انا عن نفسي وعن كلامك نفسي نغني اغاني ليها معني سواء اي معني حتي طبعا لو اغاني عن الحب بس تبقي ليها معني
ده احنا بدل ما نغني عشان حاجه مهمة يعني ليه ما غنيناش اغنية عن انفلونزا الخنازير تعرفنا ازاي الوقاية ……….بقينا بنغني لكرومبو ا سفن ا
او مطرب مشهور اوي بيتقمص شخصية ريكي مارتن لبسة شعرة حفلاتة
وبمناسبة المطرب ابو شعر في صدره “لا تعليق عشان انا ممكن اقول حاجات وحشة جدا احتراما لمدونتك يا عمور يا حبي”
كفاية بقي كاريكا و ريكو و تامر و سعد الصغير
كفاااااية بقي تعبنا بقي حراااااااام كفااااااااااااااااااااايه هنفجر
كفاية بوسترات الشرايط الي عبارة لقطه ميديم واحد بالجنب حاطط ايده علي خده و سرحان “يا عيني عليك يا ابني”
كفاية هوجه المطربين اللي كل ما صوتك ارفع كل ما بقيت زي الفل
معلهش يا عموور انا طولت عليك بس
موضوع يتسحق المناقشة من انسان محترم زيك
ان شاء الله اول ما هشوفك هبوسك
ومدونة خطرة جدا وجامدة ………..
وياريت تبلغنا لو هتعمل ورشة جديدة ولا حاجه
مارس 15th, 2010 at 15 مارس 2010 8:26 م
استاذ عمرو او عموور
اولا انا عاوز اقولك شكرا لانك بتناقش حاجه بتخنق او بت….. عليينا كل يوم وانا واثق ان فعلا كل الدولاب بقي نفس التيشرت بس بالوان مختلفه نفس الموسيقي الدرامية الغبية دي او موسيقي الشعبي والمؤثرات الصوتيه الخره دي ,,,,
لدرجه انا هقولك حاجه و يا تصدقها يا متصدقهاش
انا في اغاني كتير اوي بسمعها مجرد اسمع اللحن واول كلمتين وانا بكملها لوحدي والله يا عمرو بكملها لوحدي
“لو نسيتيني مش هنساكي ..هدور عليكي… وهجيبك من رجليكي… وابقي سعيد بيكي.. ده انا كل حلمي فيكي.. عش يضلل عليكي …ده انتي ملاكي.. و دنياكي.. و شباكي وهكذا … وتلافي السينيو موسيقي عاليه “لو نسيتيني مش هنساكي ………الخ حاجه بنت ميتين ….
ما انا شايف اني انفع اهوه ههههههه
انا مع اغنية “دور علي نفسك”بغض النظر عن فنيتها او عن شخص اللي بيغنيها او عن اي حاجه…
بس هيا مش بتقدم حب ونجحت وفي ناس كل ما تحس انها مش ناجحه تقولك دور علي نفسك
في حاجه تانية كمان يا حبي”عمرو”
الهوجه بتاعت اغاني مصر دي مالكش عليها تعليق..
اي حد عاوز يكسب شعبية يغني لمصر او اي حد بينافق ويجامل يغني لمصر و الله اعلم بالنوايا
انا عن نفسي وعن كلامك نفسي نغني اغاني ليها معني سواء اي معني حتي طبعا لو اغاني عن الحب بس تبقي ليها معني
ده احنا بدل ما نغني عشان حاجه مهمة يعني ليه ما غنيناش اغنية عن انفلونزا الخنازير تعرفنا ازاي الوقاية ……….بقينا بنغني لكرومبو ا سفن ا
او مطرب مشهور اوي بيتقمص شخصية ريكي مارتن لبسة شعرة حفلاتة
وبمناسبة المطرب ابو شعر في صدره “لا تعليق عشان انا ممكن اقول حاجات وحشة جدا احتراما لمدونتك يا عمور يا حبي”
كفاية بقي كاريكا و ريكو و تامر و سعد الصغير
كفاااااية بقي تعبنا بقي حراااااااام كفااااااااااااااااااااايه هنفجر
كفاية بوسترات الشرايط الي عبارة لقطه ميديم واحد بالجنب حاطط ايده علي خده و سرحان “يا عيني عليك يا ابني”
كفاية هوجه المطربين اللي كل ما صوتك ارفع كل ما بقيت زي الفل
معلهش يا عموور انا طولت عليك بس
موضوع يتسحق المناقشة من انسان محترم زيك
ان شاء الله اول ما هشوفك هبوسك
ومدونة خطرة جدا وجامدة ………..
وياريت تبلغنا لو هتعمل ورشة جديدة ولا حاجه
السيناريست المنتظر
مارس 29th, 2010 at 29 مارس 2010 9:40 م
في الجون كالعادة
أبريل 3rd, 2010 at 3 أبريل 2010 10:55 م
my condolence is that bob dylan or jason mraz are part of the human heritage that i belong to… they are too part of me that i can be proud of
as for us as arabs, i guess our music is part of the human heratage too that reflect something.. that music wont change unless that “something” change…
t
i have hope, just by listening to the likes of ahmad mekky
أبريل 10th, 2010 at 10 أبريل 2010 9:23 م
لما عبدالحليم اترما وقالوا لو انزل من عالمسرح يا عمرو، كان الجمهور عايز كده!- لكن كفنان كان عارف قيمة الإختلاف .. عارف انه فن عبدالوهاب راقي وجميل، لكن ايه اللزمة من وجوده إذا كان حيحاكيه في فنه؟- الكل بيقول الجمهور عايز كدا بس مين فينا عارف من الجمهور دا، في حد نزل الشارع وعمل “سيرفي” مثلاً !!- تفضل تلف على لحن مميز سنه، وتلاقي موسيقار في جمال طاهر ماملي أو نصير شمة بيلحن تتر مسلسل ، وتلاقي الصوت شب وجميل، والكلمة تفاجئك وتطرب أذنك !!- الكل مستاء من حالة الكسل الفني دية، والسؤالالحقيقي: هو فين “الجمهور” الي أتعرض عليه فن مُـغاير وقال مش عاوز ؟!
أكتوبر 30th, 2010 at 30 أكتوبر 2010 2:57 م
nothing
مارس 17th, 2011 at 17 مارس 2011 9:06 ص
تذاكر بسعر مخفض من مصر للطيران
اعلان
بشري سارة للجالية المصرية بالرياض
من شركة مصر للطيران
عرض خاص ولمدة محدودة
الرياض -القاهرة أو الاسكندرية
ذهاب وعودة
فقط 999 ريال
عرض خاص ولمدة محدودة
بادر بالحجز
فالمدة محدودة
حتي نهاية ابريل فقط
http://www.egybox.org/vb/showthread.php?53320-%D8%AA%D8%B0%D8%A7%D9%83%D8%B1-%D8%A8%D8%B3%D8%B9%D8%B1-%D9%85%D8%AE%D9%81%D8%B6-%D9%85%D9%86-%D9%85%D8%B5%D8%B1-%D9%84%D9%84%D8%B7%D9%8A%D8%B1%D8%A7%D9%86
أبريل 24th, 2011 at 24 أبريل 2011 4:23 ص
تهنئتي لك على المجهود المبذول والرائع..
يناير 10th, 2012 at 10 يناير 2012 9:37 م
Our Trackback link…
[...]below are some url links to web sites we link to seeing that we believe there’re truly worth browsing[...]…
يناير 13th, 2012 at 13 يناير 2012 9:48 م
Source’s…
[...]these are a couple of hyper-links to online websites which we connect to seeing that we believe these are really worth checking out[...]…