rbna m3ak ya amr…HSBC 3yzeen nas

bos ya mr. Amr

i think u should pay the 150,000LE though its a shockingly big number, ha2olaak leeh ba2a

awalaan: enta shoghlaak ele shofte le7ad now helw awy, ele helw feh msh bas el ekhrag 3ashan hakon ma3ak sare7, fe masr mehneet el ekhrag deh msh aham haga fel film, ya3ne el nas aghlabha msh betkhosh el film 3ashan el mokhreg, el gomhoor el taklede bekhosh 3ashan el momasel dah awl el momaselaa deh be7ebooh aw 3ashan 3agabo el fekra ml e3lan.nas keteer maye3rafosh el mokhreg shoghlanto eh bezaabt (tab3an ana bakalm 3ala nas msh mel wasat aslaan, el gomhor el 3adi(
faa en enta taa3mel keesaa maktooba helw w tanfeezha helw w ma3ak cast kewayes ade awl haga tedmanlaak en el film yegeeb eradaat.

thaneyaan: lazem tebos 3al bada2l law madafa3tsh el mablaaghh dah hata3mel eh, hatseeb fekreet ekhrag el aflam neha2ee wla hatestana el farag wala hata3mel eh? ahaam haga el 7al ele hatekhtaro yeb2a 7al matendamsh 3aleh ba3deeen

thalethaan: el fan 3omomaan msh derasaa deh mawhebaa beteb2a 3andak el awl w enta momken ya tedres 3ashan te3raf hagat aktar laken fl akher ele befedaak el momarsa wel experience msh aktar w enta begad 3andaak mawheeba or shoghlaak ele shofto moktamel el 3anaser w kolohom helween bedaya ml fekra, wel tanfeez wel final product

fa tab3an dah karaar enta lazem takhdo lewa7daak, mafesh 7ad ye2dar yekararlaak ele ne2dar ne2olholaak enaak mawhoob w netmanalaak el naga7 insha’allah w rabenaa yewafa2aak w yewafa2na insha’allah

أظن قمة االتناقض لما يكون مسموح لأي حد إنه يخرج كليبات و برامج و إعلانات و مش مسموح له يخرج فيلم ، رغم إن فلوس الإعلانات أكتر بكتير من فلوس السينما .

أما قمة التناحة لما تكون النقابة عارفة إن أجر أي مخرج جديد أقل من أجر ريهام عبد الغفور و أجر أجعص مخرج في مصر أقل من أجر حسن حسني و مع ذلك تضرب رقم فلكي زي كده على أساس يا إما المنتج هايدفع (وفي الغالب مش ها يدفع ) يا إما يجيب حد من المعهد يقلب الفيلم .

إذا كانت النقابة بجد عايزه تحمي أعضائها يبقى كفاية قوي 10 الاف جنية و يزودهم المنتج من ميزانية الفيلم ، يا إما يعملوا إجازة للي عايز يخرج و ما يدفعش يعرض فيها أعماله السابقة لو له أعمال قبل كده و ما يدفعش أي رسوم لو نجح…غير كده يبقى شغل بلطجة و هو أكيد شغل بلطجة .

المضحك أكتر بقى الرسوم اللي بتدفعها نقابة الممثلين لغير أعضائها اللي بيمثلوا في الأفلام ….أظن دي بقى إختراع مصري مية في المية .

قعدت أتخيل لو تعاملت النقابة مع المخرج الإيراني الكبير عباس كياروستامي هيدفعوا الناس اللي بيطلعهم في أفلامه فلوس إزاي ؟

طبعا ده تخيل وهمي لأن أكيد “الدكتور” أشرف زكي ما يعرفش يعني ايه “docu-drama” و لا يعني ايه “fake documentary” ….ما أعرفش لو ربنا فتح على مصر و عملت أفلام من النوعية دي ازاي “الدكتور” أشرف زكي هيقفش الناس ديه ؟

Hey Amr
الصبر

انت جامد و هتكسر الدنيا من اول افلامك
و هتشوفوا
خالد ابوالنجا

الموضوع ده بيخليني أغلي…ولحسن حظ أستاذ ممدوح الليثي ولسوء حظ عمرو أن كان عندي ضيوف في الحلقة اللي كانوا هما فيها على الفضائية…معرفتش أتكلم وأقول لأستاذ ممدوح اللي كان بيتكلم عن أهمية الدراسة عموما و معهد السينما في مصر خاصة وكانه أوكلا فيلم ديفيجن (اهم مكان بيدرس سينما وأعلام في العالم)….يا أفندم:

أنور وجدي مادخلش معهد السينما…اللي فيه مافيولا مونتاج من سنة 60 مافيهاش حته فيشة كهربا…لأ دو سلكين عريانين بيدخلوا في الكبس (ممكن تكون أتصلحت لأن آخر مرة كنت هناك كان من زمان حبه)

هنري بركات مدخلش المعهد الموقر اللي أدامه بتاع جرايد ومطب صناعي والمبنى بتاعه أزازه مكسور…بالعكس ده سافر فرنسا علشان يتفرج ويشوف ويتعلم.

يوسف شاهين دارس دراما ومسرح في أمريكا

محمد خان..دارس في الـ british film academy

كمال سليم صاحب العزيمة كان تاجر قماش ومدرسش سينما أصلا

صلاح أبو سيف كان مونتير على قد حاله مسح بلاط أستوديو مصر لحد ما بقى من أهم مخرجي هذا الفن في مصر على مر كل عصورها، ولم يفكر يوما في أنه يدخل اي معهد أو مدرسة.

وكذلك توجو مزراحي…عز الدين ذو الفقار…وفطين عبد الوهاب…ونيازي مصطفى..وحسام الدين مصطفى

وبعدين أنقل على السيناريو…أهم من كتب سيناريوهات في بر هذا البلد هو نجيب محفوظ (رحمه الله) خريج كلية الآداب قسم الفلسفة!

وكذلك أبو السعود الأبياري، وبهجت قمر وعبد الحي أديب ومحمد حلمي المهندس…لم يكونا من خريجي المعهد، بل على العكس عندما تم بناء المعهد تم أنتداب عبد الحي أديب لكي يدرس فيه (أخدتوا بالكم).

ودلوقت من اللي شغالين مدحت العدل طبيب….احمد عبد الله معهد النقد الفني..أحمد البيه -مش عارف- بس برضه مش خريج المعهد، نادر صلاح الدين معهد الفنون المسرحيه- محمد رفعت طبيب أطفال-محمد حفظي مهندس- لينين الرملي معهد فنون مسرحية…

شايفين بأه ازاي مافيش أي تلاتين علاقة ما بين الدراسة والموهبة والعمل…وما بين الشهادة والأحساس والمثابره

وبص على التمثيل….ولا زكي رستم ولا استيفان ولا عمر الشريف دخلوا معاهد…ده سعاد حسني اللي هيه أهم من شخص في بر مصر…الفنانه انعام سالوسة هيه اللي علمتها القرايه!

ومن الجيل ده:

مبدئيا كده …محمد سعد وأحمد رزق وحلا شيحة أترفدوا من المعهد بتاع الفنون المسرحية…

أحمد حلمي قسم ديكور…كريم عبد العزيز معهد سينما اخراج….محمد هنيدي معهد سينما أنتاج….

حنان ترك…معهد الباليه…بسمة آداب انجليزي….

خالد صالح وخالد الصاوي كلية الحقوق…ده حتى جورج سيدهم وعادل امام ومحمود عبد العزيز خريجين كلية الزراعة يا أخواننا….الزراعة!

تاني مافيش علاقة ما بين الدراسة والموهبة والعمل…

والأغرب أن أستاذ ممدوح نفسه كان ضابط شرطة..أى نعم هو درس ولكن فيلم الكرنك نجح وحبيناه لأن جه من جواه هوه…والصدق ده كان نابع من انه كان ضابط سابق وحاسس بكل ده مش لأنه درس في المعهد…يعني اللي نفع هو الأحساس والصدق مش الشهاده والمعهد!

أتمنى يا أستاذ ممدوح أن الفكر ده يتغير في يوم من الأيام

وشكرا وآسف على الأطاله….

مرحبا..

أنا معجبة جدا بإنجازاتك لحد الان.. وأتمنى انت تواصل هذا النجاح والتقدم..
اود الإشارة الى انك تمتلك عين ترى العالم بشكل مختلف..طبعا لانك فنان!! .. لكن اقصد هنا انك تملك وعي المبدع والمشاهد في آن واحد..لا أعرف كيف أوضح ما اقصد هنا..ولكن من الممكن القول انك تعالج الواقع بشكل جمالي رائع يختلف عن ما هو مطروح الان على الساحة الفنية العربية .. أرجو ان تحافظ على تنوعك .. ”
جيل الفنانين العراقين الشباب يعبر عن ما قلت مسبقا ثلاث كلمات فقط نقول ..
” عندك عين مخيفة”
نصيحة لاضافة خزين صوري ولوني ..” حاول الحصول على افلام ستانلي كوبيريك..لمزيد من التنوع..او الممثلة الفرنسية ..اودري تاتو..او مونيكا بيلوتشي..”

كن دوما بخير ..